حساس جدا للكبار فقط

استعرض الموضوع السابق استعرض الموضوع التالي اذهب الى الأسفل

حساس جدا للكبار فقط

مُساهمة  Admin في الجمعة أكتوبر 02, 2009 7:31 pm

احم احم

السلام عليكم ورحة الله وبركاته


اخبارك منيحين


اول شي انا جديد < يافرحتك ياشيخ

طيب يعني انا من الاشخاص ماحب اروح لمكان ماحط فيه بصمه < طيب وش بعد


يعني انا احب اطرح مواضيع مشاكل نعاني منها الشباب والبنات ونتناقشها وانشالله نستفيد كلياتنا

> متعوب عليها كلياتنا هههههههههههه

وغالبا مواضيعي حساسة على الجرح يعني < ارحم من فراقك دقيقه << على الريحه ههههههههه

يعني مواضيع ممكن محد يترطقلها وياليت انتم بعد تساعدوني وتعطوني مواضيع ونتانقشها سوا ونستفيد

احد عنده مشكلة مايقدر يطرحها يستحي يطرحها مايعرف الحروف الهجائيه يكلمني بس هههههههههه

موضوعنا اليوم < بدري يهو ههههههههههه

حساس جدا


الحب والحنان << اتعب انا هههههههههههههههه

الحب والحنان يمكن 90 بالميه من شعبنا الحبيب يفتقدهم بالمنزل < اتعب انا يالمنزل ههههههههه

وهذا قابل للانحراف والمشكلة وشهي خلوها عيب وعادات وتقاليد

يعني اش فيها لو الزوج يكلم زوجته بالجوال وقدام اخوياه هلا قلبي بدال مايقولها نعم وش تبين

لاينقز واحد يقولي ليش ماتسويها عشان لاانتفه بالكولا اللي جنبي < بيسوي دعاية ههههههه

يعني مافي حب وحنان داخل العائلة يكلمني واحد يقول قصم بالله عمري 30 سنه ماعمري سمعة كلمة

ياحبيبي ولا ياعمري في بيتنا قلتله ياحظك حنا طفشنا منها حتى ابوي اذا جا يزعل مني يقول ماحبك

روح خلاص هههههههههههه < شغل نصب


يعني اش فيها لو مثلا تبي مويه من المطبخ وقلة لاختك قلبي جيبلي مويا جرب وقولها اذا ماتنقز تجيبها

بصرعه وبعد وش فيها يعني لو ابوي مثلا يوم يجي يصحيني بدال مايدفسني يقولي قوم ياحياتي

ولا بدل مايجيب جك ماء من الفريزر ينثره على خشتي الموقرة واقوم منهبل احسب القيامه قامة

ليش مايجي يعطيني بوسه مثلا يقول قوم يالله بسرعه

وش فيها انتي يالبنت لو قلتي لخووك ياحياتي تكفى نبي نروح السوق وانت بعد وش فيها لو قلتلها

سويلي فطور بدال ماتقول هيه سويلي فطور وش هيه هويت في بير ماله قاع

تقولها ياوخيتي لبى عمرك سويلي فطور

ليش الزوج اول شهر يسمي زوجته حبي

ثاني شهر قلبي

ثالث شهر الطلبات

رابع شهر ام فلان

تاسع شهر ام البزر

سنه البيت الابيض

سنتين بقالتنا

ثلاث سنين انتي طالق هههههههههههههه


ليش مانعود نفسنا نكلم بعض بالاسلوب ذا يعني الاحظ بعض اخوياي اول مايتزوج تتصل مرته

يقوم برا يكلمها واذا يتعود عليها شوي يعطيها مشغول واذا تعود اكثررر مايرد واذا اكثر واكثر

يرد عليها وهو جالس معنا يقولها ماني فاضي شوفي اخوانك < سلامات يابو خلاص طفشة بعد

ماكنت تسدح بغرفة النوم تتخيل شكلها يالهيص الاربد

انا فتحة الموضوع لاني والله شايف انه موضوع خطير ومحد منتبهله وسارو شبابنا وبناتنا يدورون

على هالكلام بعلاقات يعني لازم نكون يد وحده ونساعد بعض ولا دين على الفاضي بس محد حول احد

اصاحاب المنتدى مو فاتحين هالمنتدى عشان تعارف وكلام فاضي لازم نفيد ونستفيد مانبي نكون عالة

على المجتمع لازم نرتقي بتفكيرنا وعقلنا وكل شي مو بس نهتم بالمظهر الخارجي


<كانك طولة يابو الشباب لايجيك كف طاير قفل الموضوع هههههههههههه

ابي ارائكم





ملاحظه
مواضيعي فقط للكبار المبزره مابيهم
ياليت تساعدوني بئراكم نحل مشاكلنا

لا اسمح لاي واحد ينقل موضوعي لاي منتدى الا باذن مني ولا الله لا يسامحه اللي ينقل

Admin
Admin

عدد المساهمات : 102
تاريخ التسجيل : 04/07/2009
العمر : 24

معاينة صفحة البيانات الشخصي للعضو http://alialsumaidaie.ahlamontada.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى